*Uit die mond van die suigeling...

-
Zelé suig haar dummy baie hard, dat dit so fluit-geluid maak (ja, hulle slaap nogsteeds met dummies...)
Demar sê: "Mamma, hoor hoe maak Zelé se dummy... haar dummy maak MUSIEK!!"

Ek vra vir Demar om Zelé se vuil doek (ja, hulle dra nogsteeds doeke ook...) vir Sannie te gee, want die vuilgoed lorrie gaan dit netnou kom haal. Hy kom terug: "Mamma, Sannie is lelik met my!" Ek vra hoekom. Hy: "sy wil nie die poefdoek vat nie" ek vra wat sy dan sê..."Mamma, sy is lelik... sy sê NIKS!" sê hy.

Zelé is besig om te teken, maar doen dit al ñ rukkie & ek vra haar of sy met die krale wil speel. Sy sê: "ja, maar ek pak eers die kryte weg, dan gaan ek met die krale speel..." Regte ou "pliggie", soos tannie Helouise sê.

Ons smeer citronella room vir d muskiete aan na daar gebad is. Zelé vryf oor haar arms, wat seker vreemd glad voel, soos regte mêdem. Ek gaan in die badkamer om my hande te was & hoor sy vra ewe vd bed: "mag ek maar afklim?"...

Ek trek Zelé aan na ons geswem het. Ek gee haar ñ drukkie & sê vir haar ek is lief vir haar... en vra of sy lief is vir my ook... "ja!" antwoord sy. Ek vra: "bietjie of baie?" "Bietjie", sê sy. Ek vra hoekom dan net bietjie, want ek is baie lief vir haar... sy sê: "nee, jy is baie lief vir Pappa!" Die afleiding verstaan ek nou nie maar nou-ja... darem kry ek ñ "bietjie" ;-)

Eerste dag v Speelskool & ek probeer dit so aantreklik moontlik klink... ek vertel v al die maatjies daar & vra vir Zelé hoeveel maatjies wil sy hê... BUUAAAAAAAIE maatjies, sê sy. Ek vra dieselfde vir Demar, hy sê: "2 maatjies"...

Dewald & Demar "werk" in die tuin... Dewald trek bossies uit & Demar pla hom;) Ons is nou hard aan die "potty train" & dit gaan baie goed, maar vir my om te onthou, stel ek ñ "piepie-alarm" elke 30min. Dewald sê vir Demar, so in die tuinwerk deur, hy moet gaan piepie... Demar sê: "kyk vir my... kyk vir my in my oë... ek gaan piepie wanneer die alarm afgaan"...

Ek het iets by Rob se Houtwerk-onnie geleen wat ek terugvat saam ñ Clicks blik wafer-sticks om dankie te sê. Demar vra toe ek dit klaar afgelewer het: Mamma, waar is die oom se dankie-sê persent?" Ek sê: "el het dit vir hom gegee!" Demar: "Mamma, jy moet vir my ook dankie sê..."

Opmerkings

Plaas 'n opmerking

Gewilde plasings van hierdie blog

Geld wat stom is...

-
Prent
... maak reg wat krom is, lui die spreekwoord mos. En dis nogal ñ slim spreekwoord daardie wat in heelwat omstandighede gebruik kan word. (Een van een van die Gymlede se luukse karre... Roux kan nie die prys nuut opspoor nie, maar daar is een tweedehands met 1900km op die klok... vir R4,2miljoen rand) Maar dat dit stom is, is so... en daarom voel ek verplig om die stommegeid met ñ paar "gevleulde woorde" te vul. VISA het dit nie ver mis met hul prys wat hulle op sekere dinge in hul advertensie sit & dan is die situasie "priceless" nie en ons stem heelhartig daarmee saam, dis hoekom ons dit so maklik ons eie gemaak het met na-geaapte Facebook statusse ens. Want dit is so... daar ìs dinge wat geld nie kan koop nie, maar dan is daar ook die dinge wat gekoop word, wat die geldelike waarde nie ñ akkurate indikasie gee van hoeveel dit eintlik werd is nie. Laat ek verduidelik... Geld, volgens my... het twéé waardes: ñ numeriese waarde (R20 is R20)... maar d...
Lees meer

...soos 'n Koning Rooibekkie...

-
Prent
Hierdie is 'n foto van 'n Koning Rooibekkie ("Pin-tailed Whydah", vir die wat in Ingels voëls kyk)... en soos mens duidelik op die foto kan sien is hy 'n bakleier. Hy duld nie ander voëls in dít wat hy voel sý gebied is nie (dalk is die foto van 'n mannetjie, wat 'n wyfie probeer verlei ek weet nou nie, want ek is nie so goed met die identifisering nie en die arme vroutjies in die voëlkoninkryk trek mos maar aan die kortste ent wat "looks" betref)... inelkgeval... die Koning Rooibekkie herhinner my aan 'n Jack Russell hondjie, wat dink hy is 'n Doberman en wat al wat hond is aanvat, selfs al is hul twee maal sy grootte. So sal die Koning Rooibekkie ook nie skroom om die duiwe weg te jaag, wat BAIE groter as hy is nie. En die duiwe skrik, hoor! Maar daar is ook ander voëls, wat hulle nie steur aan die lawaaierige voël, met sy lang stert nie, soos die Lysters... en hul eet lustig/rustig voort. Wat interessant is van die Koning Rooibekk...
Lees meer

Die identiteit stryd...

-
Prent
Een oggend gesels ek en 'n hartsvriendin so tussen-deur haar gym sessie oor die dinge wat pla, die dinge wat frustreer en irriteer en bekommer. Sy is 'n Ma van 3 laerskool seuns met 'n man wat sy eie besigheid en boerdery het en uit 'n familie kom wat sport-mal is, so sy is besig! Verder het sy ook 'n "A-tipe" persoonlikheid, soos sy dit noem, en dis eintlik maar net 'n lettertjie vir iemand wat perfeksionisties is en hou van detail. Wat wonderlik is vir haar man en seuns en mense, maar nogal erge druk op haarself sit, want daar is net sòveel ure in 'n dag, mens kan net sò vinnig van Witrivier af Nelspruit toe ry en daar is net sòveel detail, wat jyself kan doen, en daarna het jy òf hulp nodig (dié tipe persoonlikheid vra ook nie maklik vir hulp nie), òf jy moet, tot jou eie frustrasie dit net los... En ek kry hierdie openbaring, terwyl ons gesels, wat ek voel ek moet neerpen voordat dit verdwyn, 'n openbaring oor die vrou se identiteit stryd.....
Lees meer