Duif-stories

-


Gistermiddag was daar 'n duif in die kombuis... (dit klink soos 'n ddisselblom liedjie se titel!) Inelkgeval... die deur was oop en hy het seker maar ingestap en toe ek in die kombuis kom gaan hy aan die vlieg. En het jy al 'n duif probeer oortuig om uit te loop, soos hy ingeloop het, as hy bang is en net wil vlieg??!!

Ek het hom soos 'n steeks perdeby probeer uitlei met 'n buislig gloeilamp wat rondstaan ("random", ek weet, maar dit was nader as die besem), maar 'n duif wat bang is en kan vlieg word nie deur 'n stok gelei nie. Toe dink ek: dan sal ek hom maar moet rondjaag, dat hy homself moeg vlieg (en seker die huis bemors) en dan 'n handoek oor hom gooi en hom vang. Zelé het gemeen hy soek kossies en ek het ook 'n hansie-en-grietjie-saadjies-tot-buite-opsie oorweeg...

En dis toe ek die verband trek tussen ons mense en 'n duif: soveel keer beland ons in slegte en ongemaklike en selfs gevaarlike situasies, omdat ons ons eie kop volg. En dan, wanneer ons besef ons is in die moeilikheid, maar dat God ons kan en wil help, dan vlieg ons! Nie goed-vlieg nie maar sleg-vlieg! Heeltyd wég van Hom af. En dan gebeur dit meesal dat ons eers onsself moet moeg vlieg... teen die grond... op ons knieë, voordat Hy Sy liefdevolle arms om ons kan sit en ons na vryheid kan help. Vryheid en VREDE! Ware vrede, wat alle verstand te bowe gaan, soos Sy Woord belowe. (Selfs die metafoor: dat ons in die gespartel en gevlieg die hele plek om ons bemors is waar...)

Dan kan ons maar net bid: om gehoorsaam te wees van die begin af en nie in situasies te beland waar ons onsself en mense kan seermaak nie... en as ons wel daarin beland, soos maar menslik is, dat ons sal afgee... opgee en ingee... vìnnig... teenoor die Een Wie se sagte hande altyd om ons wil wees.

Opmerkings

Plaas 'n opmerking

Gewilde plasings van hierdie blog

Geld wat stom is...

-
Prent
... maak reg wat krom is, lui die spreekwoord mos. En dis nogal ñ slim spreekwoord daardie wat in heelwat omstandighede gebruik kan word. (Een van een van die Gymlede se luukse karre... Roux kan nie die prys nuut opspoor nie, maar daar is een tweedehands met 1900km op die klok... vir R4,2miljoen rand) Maar dat dit stom is, is so... en daarom voel ek verplig om die stommegeid met ñ paar "gevleulde woorde" te vul. VISA het dit nie ver mis met hul prys wat hulle op sekere dinge in hul advertensie sit & dan is die situasie "priceless" nie en ons stem heelhartig daarmee saam, dis hoekom ons dit so maklik ons eie gemaak het met na-geaapte Facebook statusse ens. Want dit is so... daar ìs dinge wat geld nie kan koop nie, maar dan is daar ook die dinge wat gekoop word, wat die geldelike waarde nie ñ akkurate indikasie gee van hoeveel dit eintlik werd is nie. Laat ek verduidelik... Geld, volgens my... het twéé waardes: ñ numeriese waarde (R20 is R20)... maar d...
Lees meer

...soos 'n Koning Rooibekkie...

-
Prent
Hierdie is 'n foto van 'n Koning Rooibekkie ("Pin-tailed Whydah", vir die wat in Ingels voëls kyk)... en soos mens duidelik op die foto kan sien is hy 'n bakleier. Hy duld nie ander voëls in dít wat hy voel sý gebied is nie (dalk is die foto van 'n mannetjie, wat 'n wyfie probeer verlei ek weet nou nie, want ek is nie so goed met die identifisering nie en die arme vroutjies in die voëlkoninkryk trek mos maar aan die kortste ent wat "looks" betref)... inelkgeval... die Koning Rooibekkie herhinner my aan 'n Jack Russell hondjie, wat dink hy is 'n Doberman en wat al wat hond is aanvat, selfs al is hul twee maal sy grootte. So sal die Koning Rooibekkie ook nie skroom om die duiwe weg te jaag, wat BAIE groter as hy is nie. En die duiwe skrik, hoor! Maar daar is ook ander voëls, wat hulle nie steur aan die lawaaierige voël, met sy lang stert nie, soos die Lysters... en hul eet lustig/rustig voort. Wat interessant is van die Koning Rooibekk...
Lees meer

Die identiteit stryd...

-
Prent
Een oggend gesels ek en 'n hartsvriendin so tussen-deur haar gym sessie oor die dinge wat pla, die dinge wat frustreer en irriteer en bekommer. Sy is 'n Ma van 3 laerskool seuns met 'n man wat sy eie besigheid en boerdery het en uit 'n familie kom wat sport-mal is, so sy is besig! Verder het sy ook 'n "A-tipe" persoonlikheid, soos sy dit noem, en dis eintlik maar net 'n lettertjie vir iemand wat perfeksionisties is en hou van detail. Wat wonderlik is vir haar man en seuns en mense, maar nogal erge druk op haarself sit, want daar is net sòveel ure in 'n dag, mens kan net sò vinnig van Witrivier af Nelspruit toe ry en daar is net sòveel detail, wat jyself kan doen, en daarna het jy òf hulp nodig (dié tipe persoonlikheid vra ook nie maklik vir hulp nie), òf jy moet, tot jou eie frustrasie dit net los... En ek kry hierdie openbaring, terwyl ons gesels, wat ek voel ek moet neerpen voordat dit verdwyn, 'n openbaring oor die vrou se identiteit stryd.....
Lees meer