Veels geluk, liewe maatjie...

-

More verjaar ek... ek is nege-en-dertig jaar oud! Kyk hierdie cool masjien-foto v my & my Ma & Pa, wat ek in my baba foto-album kry. Nadat my Ma oor die skok gekom het van haar "honeymoon"-baba het sy, tipiese 1ste kind, báie moeite gedoen met foto's & foto-albums & ek is so dankbaar daarvoor.

Ek dink aan ander verjaarsdae, spesifiekes wat ek kan onthou, maar ook oor die algemeen. Ons het altyd partytjies gehad, mét ñ koek... vandat ek kan onthou was dit ñ roomyskoek, wat die dag voor die tyd in Gezina gaan haal is & in die coolste-in-die-wêreld droeë ys verpak was. Ek onthou ook dat baie van die partytjies swembad-partytjies was.

Hier is ek by een van my ballerina-roomyskoeke. Kyk die oulike boksies met eetgoed vir al die maatjies!

Ek onthou ook my 16de verjaarsdag was ñ "chinese braai" gewees, by ons swembad. Ek onthou dit was ñ verlief & verlore stadium. My beste vriendin, Yolande Louw was natuurlik daar & ons ander vriendin Anneke van Wyk de Vries... ook die "cool skateboard" Engelse buurseuns: Marcus & Matthew was daar.

My 21ste het ek gevier op ñ Eerstejaarskamp, as Raadgewer & ek onthou ek was baie verontwaardig toe ds. Tienie my op my boud wou skiet met die sjampanje kurkprop... dit was "die Republiek van Akasia... dit is die plek waar ons raas, ja..."

Ook onthou ek ñ spesiale 35ste by ñ vriend se ouma se pragtige gastehuis. Ons het elkeen ons 3gunsteling liedjies gekies & dan moes jy dit vir die res speel... daar was heeltyd GOEIE musiek & ons het Kgalagadi foto's gewys... of dalk was dit dan my 34ste?!

Met my 35ste, onthou ek, het ek gehoop ek is swanger... en toe ek nie was, het ek besluit dat ons na ñ Fertiliteitskenner moet gaan... en dit het gelei tot die wonderwerkies, wat my my 36ste verjaarsdag in Neonatal ICU laat spandeer het. Hulle moes eintlik eers ñ dag na my verjaarsdag kom, maar toe is hul al 1dag van ñ maand oud! Dit was ñ emosionele dag van heen-en-weer ry: huis toe vir Tommee Tippee bottels, om te kyk of hul nie beter daaruit drink... en toe ons daar aankom, het die verpleegster nét klaar vir hulle met die hospitaal bottels melk gegee. O ek het ñ vreeslike tantrum gegooi. Dewald het my vir koek & koffie by Mugg & Bean gevat.

En nou is my 39ste hier... vandag het ons Kaapsehoop toe gegaan saam ñ dierbare vriendin, haar man & hul tweeling. Ek hét bietjie oud gevoel met my regterhand wat steeds nie 100% herstel het van die tenosinovitis... my linker-skouer, wat ek maar altyd bang is haak uit... en boonop het ek myself ñ groot sny op my linker handpalm gegee, uit haastigheid om roosterkoeke gesny te kry, vir pad kos... maar eintlik weet ek, ek is nie oud nie & ek is baie geseënd: liggaamlik en emosioneel en geestelik. Ek sien uit om 40-se-kant toe te gaan... want hoe sê hulle: "age... is just a number"!!






Opmerkings

Plaas 'n opmerking

Gewilde plasings van hierdie blog

Geld wat stom is...

-
Prent
... maak reg wat krom is, lui die spreekwoord mos. En dis nogal ñ slim spreekwoord daardie wat in heelwat omstandighede gebruik kan word. (Een van een van die Gymlede se luukse karre... Roux kan nie die prys nuut opspoor nie, maar daar is een tweedehands met 1900km op die klok... vir R4,2miljoen rand) Maar dat dit stom is, is so... en daarom voel ek verplig om die stommegeid met ñ paar "gevleulde woorde" te vul. VISA het dit nie ver mis met hul prys wat hulle op sekere dinge in hul advertensie sit & dan is die situasie "priceless" nie en ons stem heelhartig daarmee saam, dis hoekom ons dit so maklik ons eie gemaak het met na-geaapte Facebook statusse ens. Want dit is so... daar ìs dinge wat geld nie kan koop nie, maar dan is daar ook die dinge wat gekoop word, wat die geldelike waarde nie ñ akkurate indikasie gee van hoeveel dit eintlik werd is nie. Laat ek verduidelik... Geld, volgens my... het twéé waardes: ñ numeriese waarde (R20 is R20)... maar d...
Lees meer

...soos 'n Koning Rooibekkie...

-
Prent
Hierdie is 'n foto van 'n Koning Rooibekkie ("Pin-tailed Whydah", vir die wat in Ingels voëls kyk)... en soos mens duidelik op die foto kan sien is hy 'n bakleier. Hy duld nie ander voëls in dít wat hy voel sý gebied is nie (dalk is die foto van 'n mannetjie, wat 'n wyfie probeer verlei ek weet nou nie, want ek is nie so goed met die identifisering nie en die arme vroutjies in die voëlkoninkryk trek mos maar aan die kortste ent wat "looks" betref)... inelkgeval... die Koning Rooibekkie herhinner my aan 'n Jack Russell hondjie, wat dink hy is 'n Doberman en wat al wat hond is aanvat, selfs al is hul twee maal sy grootte. So sal die Koning Rooibekkie ook nie skroom om die duiwe weg te jaag, wat BAIE groter as hy is nie. En die duiwe skrik, hoor! Maar daar is ook ander voëls, wat hulle nie steur aan die lawaaierige voël, met sy lang stert nie, soos die Lysters... en hul eet lustig/rustig voort. Wat interessant is van die Koning Rooibekk...
Lees meer

Die identiteit stryd...

-
Prent
Een oggend gesels ek en 'n hartsvriendin so tussen-deur haar gym sessie oor die dinge wat pla, die dinge wat frustreer en irriteer en bekommer. Sy is 'n Ma van 3 laerskool seuns met 'n man wat sy eie besigheid en boerdery het en uit 'n familie kom wat sport-mal is, so sy is besig! Verder het sy ook 'n "A-tipe" persoonlikheid, soos sy dit noem, en dis eintlik maar net 'n lettertjie vir iemand wat perfeksionisties is en hou van detail. Wat wonderlik is vir haar man en seuns en mense, maar nogal erge druk op haarself sit, want daar is net sòveel ure in 'n dag, mens kan net sò vinnig van Witrivier af Nelspruit toe ry en daar is net sòveel detail, wat jyself kan doen, en daarna het jy òf hulp nodig (dié tipe persoonlikheid vra ook nie maklik vir hulp nie), òf jy moet, tot jou eie frustrasie dit net los... En ek kry hierdie openbaring, terwyl ons gesels, wat ek voel ek moet neerpen voordat dit verdwyn, 'n openbaring oor die vrou se identiteit stryd.....
Lees meer