...in ń ander liga...

-


...dis nou waarmee ek gedink het om die engelse gesegde: "in a different league" te vertaal. Want sien, deur my lewe was daar nog min wat ek gevoel het mense is "in ń ander liga" as ek. (Nie omdat ek wintie is nie, net omdat ek nog altyd gevoel het ek is aanpasbaar en sensitief, ingestel op mense)... Maar soos ek ouer word (en hopelik darem wyser ook) en  al meer mense leer ken (en dalk ook groei in my onderskeidingsvermoë), besef ek al meer hoeveel mense in ń ander liga as ek is! (Dan is daar ook natuurlik die mense wat my pad kruis wat in ń liga van hul eie is - "in a league of their own", maar dis ń blog op sy eie!)

Soms is dit fisies: ń vrou wat (soms is sy baie jonger as ek, soms is sy amper net so oud, of ouer as ek), wat net absoluut uitsonderlik sterk en/of begaafd of albei is. Dis een van die dinge wat ek soveel van CrossFit geniet: om oopmond te staan en kyk waartoe die menslike (néé vroulike liggaam) in staat is met oefening en vermoëns en genetika! En dan wil ek ook so wees en dit motiveer my en maak my dankbaar vir wat ek na kan streef en wat ekself kan doen.

En dan is daar die tye, wat hierdie week opgelewer het: waar ń vriendin SO swaar kry en só "af" is dat ek besef dat sy buite my liga is. Ek kan haar nie ondersteun nie, ek weet nie eers wat om vir haar te bid nie, want haar vlak van seer en moedeloosheid en teleurstelling in die lewe dwing haar om totaal te onttrek en glad nie te kan deel nie. As ek sê dat ek nie empatie met haar het nie, maar wel simpatie, is dit omdat ek (volgens definisie) my glád nie in haar skoene kan plaas nie.

Selfsugtig bid ek dan dat ekself nooit so laagtepunt sal bereik nie en as dit wel gebeur, dat die Here mense in my lewe sal anker, wat sal aanhou bid, aanhou ondersteun, aanhou dáár wees, totdat Hy my uit die put gelig het en my voete weer op vaste grond sit.

"Jesus, Lover of my soul. Jesus, I will never let You go. You've taken me: from the miry clay. Set my feet upon the Rock and now I know: I love You, I need You. Though my world may fall I'll never let You go. My Saviour, my closest Friend. I will worship You until the very end..."
(Hillsongs United)




Opmerkings

Plaas 'n opmerking

Gewilde plasings van hierdie blog

Geld wat stom is...

-
Prent
... maak reg wat krom is, lui die spreekwoord mos. En dis nogal ñ slim spreekwoord daardie wat in heelwat omstandighede gebruik kan word. (Een van een van die Gymlede se luukse karre... Roux kan nie die prys nuut opspoor nie, maar daar is een tweedehands met 1900km op die klok... vir R4,2miljoen rand) Maar dat dit stom is, is so... en daarom voel ek verplig om die stommegeid met ñ paar "gevleulde woorde" te vul. VISA het dit nie ver mis met hul prys wat hulle op sekere dinge in hul advertensie sit & dan is die situasie "priceless" nie en ons stem heelhartig daarmee saam, dis hoekom ons dit so maklik ons eie gemaak het met na-geaapte Facebook statusse ens. Want dit is so... daar ìs dinge wat geld nie kan koop nie, maar dan is daar ook die dinge wat gekoop word, wat die geldelike waarde nie ñ akkurate indikasie gee van hoeveel dit eintlik werd is nie. Laat ek verduidelik... Geld, volgens my... het twéé waardes: ñ numeriese waarde (R20 is R20)... maar d...
Lees meer

...soos 'n Koning Rooibekkie...

-
Prent
Hierdie is 'n foto van 'n Koning Rooibekkie ("Pin-tailed Whydah", vir die wat in Ingels voëls kyk)... en soos mens duidelik op die foto kan sien is hy 'n bakleier. Hy duld nie ander voëls in dít wat hy voel sý gebied is nie (dalk is die foto van 'n mannetjie, wat 'n wyfie probeer verlei ek weet nou nie, want ek is nie so goed met die identifisering nie en die arme vroutjies in die voëlkoninkryk trek mos maar aan die kortste ent wat "looks" betref)... inelkgeval... die Koning Rooibekkie herhinner my aan 'n Jack Russell hondjie, wat dink hy is 'n Doberman en wat al wat hond is aanvat, selfs al is hul twee maal sy grootte. So sal die Koning Rooibekkie ook nie skroom om die duiwe weg te jaag, wat BAIE groter as hy is nie. En die duiwe skrik, hoor! Maar daar is ook ander voëls, wat hulle nie steur aan die lawaaierige voël, met sy lang stert nie, soos die Lysters... en hul eet lustig/rustig voort. Wat interessant is van die Koning Rooibekk...
Lees meer

Die identiteit stryd...

-
Prent
Een oggend gesels ek en 'n hartsvriendin so tussen-deur haar gym sessie oor die dinge wat pla, die dinge wat frustreer en irriteer en bekommer. Sy is 'n Ma van 3 laerskool seuns met 'n man wat sy eie besigheid en boerdery het en uit 'n familie kom wat sport-mal is, so sy is besig! Verder het sy ook 'n "A-tipe" persoonlikheid, soos sy dit noem, en dis eintlik maar net 'n lettertjie vir iemand wat perfeksionisties is en hou van detail. Wat wonderlik is vir haar man en seuns en mense, maar nogal erge druk op haarself sit, want daar is net sòveel ure in 'n dag, mens kan net sò vinnig van Witrivier af Nelspruit toe ry en daar is net sòveel detail, wat jyself kan doen, en daarna het jy òf hulp nodig (dié tipe persoonlikheid vra ook nie maklik vir hulp nie), òf jy moet, tot jou eie frustrasie dit net los... En ek kry hierdie openbaring, terwyl ons gesels, wat ek voel ek moet neerpen voordat dit verdwyn, 'n openbaring oor die vrou se identiteit stryd.....
Lees meer