Infark Emosies

-


"...But if you see me walkin' by

And the tears are in my eyes

Look away, baby, look away
And if we meet on the streets someday
And I don't know what to say
Look away, baby, look away..."

Terwyl ek terugry huis toe van ń paar uitdagende bo-lip byt ure saam Ma, nadat ons fikse, gesonde Pa Donderdagaand twee hartaanvalle gehad het, kom die oppervlakkige liefdesliedjie van Chicago by my op...
En dís presies hoe my gedagtes tans werk, want die onsekerheid in mens se gedagtes meng met die geloof in jou siel en dan raak jy met rukke so VERSKRIKLIK hartseer oor Pa: wat aan 12 lyne gekoppel is en so rustig asem haal en wie se hart so sigbaar mooi klop deur die dun ICU laken. Ek het my hand op daardie hart gesit en hom voel klop en lewe in dit ingespreek en geloof en onafhanklikheid van masjiene, maar groot oë gekyk en gesien sy suurstofsaturasie is 99% en gehoor dat sy niere perfek werk, t.s.v. die lae bloeddruk wat hul met 3 verskillende medikasies probeer reguleer... en dan wil hulle hom eintlik van alles afhaal.. as jy babas in NICU gehad het, noem hul die angstigheid wat jy ervaar na jy so lank masjiene moes dophou ń groot woord... ek weet, ek was daar! En hier gaan ons alweer...
Dis 1 van sy programme, wat Pa graag kyk, en laat Ma huil wanneer sy die T.V. aansit en hy is nie daar om dit te kyk nie. Soos wat ek in trane wil uitbars wanneer daar voëls langs die pad kom land en ek weet dis rooivinke, omdat hy dit weet en ek dit so geleer het. Getooi in hul somerskleure, soos wat hy reeds in die winter op ń stemboodskap sal aankondig, sodra hy dit oplet.
Ek sien ń Oupa dans met sy kleindogter, Ma dink aan hoe baie hy van eet hou as ons kos bestel, omdat niemand lus het vir "maak", en dan huil ons... maar anders as Chicago wil ek vra DON'T look away... rather start to pray!" Vir my Pa, bid so hard en gelowig soos Sy Gees in jou jou lei en toelaat. Ek gaan steeds nie weet wat om te sê, maar ons gaan een in geloof wees, een in gebed en Hy sê in Sy Woord: 
"Verder verseker Ek julle: As twee van julle op aarde oor enige saak saamstem en daaroor bid, sal my Vader wat in die hemel is, hulle dit laat kry, want waar twee of drie in my Naam saam is, daar is Ek by hulle.” MATTEUS 18:19‭-‬20 (AFR83)

Opmerkings

Plaas 'n opmerking

Gewilde plasings van hierdie blog

Geld wat stom is...

-
Prent
... maak reg wat krom is, lui die spreekwoord mos. En dis nogal ñ slim spreekwoord daardie wat in heelwat omstandighede gebruik kan word. (Een van een van die Gymlede se luukse karre... Roux kan nie die prys nuut opspoor nie, maar daar is een tweedehands met 1900km op die klok... vir R4,2miljoen rand) Maar dat dit stom is, is so... en daarom voel ek verplig om die stommegeid met ñ paar "gevleulde woorde" te vul. VISA het dit nie ver mis met hul prys wat hulle op sekere dinge in hul advertensie sit & dan is die situasie "priceless" nie en ons stem heelhartig daarmee saam, dis hoekom ons dit so maklik ons eie gemaak het met na-geaapte Facebook statusse ens. Want dit is so... daar ìs dinge wat geld nie kan koop nie, maar dan is daar ook die dinge wat gekoop word, wat die geldelike waarde nie ñ akkurate indikasie gee van hoeveel dit eintlik werd is nie. Laat ek verduidelik... Geld, volgens my... het twéé waardes: ñ numeriese waarde (R20 is R20)... maar d...
Lees meer

...soos 'n Koning Rooibekkie...

-
Prent
Hierdie is 'n foto van 'n Koning Rooibekkie ("Pin-tailed Whydah", vir die wat in Ingels voëls kyk)... en soos mens duidelik op die foto kan sien is hy 'n bakleier. Hy duld nie ander voëls in dít wat hy voel sý gebied is nie (dalk is die foto van 'n mannetjie, wat 'n wyfie probeer verlei ek weet nou nie, want ek is nie so goed met die identifisering nie en die arme vroutjies in die voëlkoninkryk trek mos maar aan die kortste ent wat "looks" betref)... inelkgeval... die Koning Rooibekkie herhinner my aan 'n Jack Russell hondjie, wat dink hy is 'n Doberman en wat al wat hond is aanvat, selfs al is hul twee maal sy grootte. So sal die Koning Rooibekkie ook nie skroom om die duiwe weg te jaag, wat BAIE groter as hy is nie. En die duiwe skrik, hoor! Maar daar is ook ander voëls, wat hulle nie steur aan die lawaaierige voël, met sy lang stert nie, soos die Lysters... en hul eet lustig/rustig voort. Wat interessant is van die Koning Rooibekk...
Lees meer

Die identiteit stryd...

-
Prent
Een oggend gesels ek en 'n hartsvriendin so tussen-deur haar gym sessie oor die dinge wat pla, die dinge wat frustreer en irriteer en bekommer. Sy is 'n Ma van 3 laerskool seuns met 'n man wat sy eie besigheid en boerdery het en uit 'n familie kom wat sport-mal is, so sy is besig! Verder het sy ook 'n "A-tipe" persoonlikheid, soos sy dit noem, en dis eintlik maar net 'n lettertjie vir iemand wat perfeksionisties is en hou van detail. Wat wonderlik is vir haar man en seuns en mense, maar nogal erge druk op haarself sit, want daar is net sòveel ure in 'n dag, mens kan net sò vinnig van Witrivier af Nelspruit toe ry en daar is net sòveel detail, wat jyself kan doen, en daarna het jy òf hulp nodig (dié tipe persoonlikheid vra ook nie maklik vir hulp nie), òf jy moet, tot jou eie frustrasie dit net los... En ek kry hierdie openbaring, terwyl ons gesels, wat ek voel ek moet neerpen voordat dit verdwyn, 'n openbaring oor die vrou se identiteit stryd.....
Lees meer