Marne se Momente

Dit klink vreeslik, né... maar soos hulle sê: wat die hart van vol is, loop die mond van oor... of sal ek eerder sê: die neus!! Dis omdat (allergiese) ekke alweer met Laeveld-siekte, oftewel Sinusitus sit... eintlik is die ergste nie die sinus nie, maar die Post-nasal drip! Nou kyk, dìt het ek al goed geleer: daar is nìks wat vir Post-nasal drip werk, behalwe anti-histamien, ñ langwerkende een, as jy nie soos ñ zombie deur jou dag wil gaan nie, kortisoon neussproei en seewater sproei-soveel as moontlik! Bykomende behandeling is natuurlik die mees-verdowendste oor-die-toonbank keelsproei wat jy in die hande kan kry (gebruik jou kontakte of omkoopgeld as jy het, as jy iets sterker kan kry wat vir langer "doodmaak"). Die sagste tissues wat jy kan koop en bedel by jou ma ñ kontinentale kussing of by jou pa twee bakstene om jou bed by die koppenent te lig, want dis die énigste "siekte" waar jy goorder voel na jy geslaap het!!! Want daars maar een ding wat post-nasal drip...

Onvoorwaardelike liefde... Is dit nie net die twee mooiste woorde bymekaar gesê nie! God se liefde vir my, Sy sondaar-swakkeling kind... want sien ek glo so: wanneer ons ons hart en lewens vir God gegee het, word ons sondes volkome vergewe. Vir ewig en altyd: wit gewas soos sneeu... maar ons het steeds swakhede, wat ons in sonde kan laat val en dompel, wat ons moet belei en in God se hand moet plaas. Waarvoor ons moet pasop want dìt ìs soos ñ brullende leeu, wat duidelik is op ñ afstand, as die vyand... maar hoe nader jy daaraan kom, hoe meer word jy soos die arme prooi ge-hipnotiseer en staan jy soms doodstil, totdat dit te laat is... Ek is ñ kwaai ma, ek weet dit en is op ñ manier trots daarop & op ñ manier skaam daaroor. Want kwaai beteken nie noodwendig gedissiplineerd nie en ook nie noodwendig geliefd nie... Ek wil graag hê my kinders moet luister wanneer ek praat... my opdragte uitvoer... dadelik!!! Want as hulle dit nie leer nie sal hulle dalk seerkry, of nog erger... hull...

'n Squat is nie ñ Lunge nie... Ek gym nou al vir 5weke, 3x per week en met elke sessie doen ek funksionele squats. Menende: ek doen "slamball" (met klem ondertoe)... of "wallball" teen die muur (met klem boontoe) of die "battleropes" in squat posisie. So teen dié tyd moet ek nie meer styf word van ñ squat nie, en ek doen ook nie. Maar ander dag besluit ek om bietjie te lunge. Dis mos maar ñ squat op een been... dieselfde beweging, dieselfde spiere wat werk... maar die volgende oggend toe wéét ek: ñ squat is nie ñ lunge nie! So is baie dinge in die lewe ook. Jy dink jy kan dit vergelyk of dat dit "dieselfde" is maar dan kom jy agter: ñ squat is nie ñ lunge nie! Die eerste ding wat ek aan dink is om ñ tweeling te hê. Om ñ tweeling te hê is nié soos om twee babas gelyk te hê nie. Dis ñ modaliteit op sy eie. Dis ook nie soos om twee babas kort na mekaar te hê nie... en selfs al is jy ñ veteraan met 4+ kinders moet jy asb nie ñ tweeling vergelyk...

Vanoggend het ek weer vroeg opgestaan om te gaan gym... en terwyl ek roei, vir opwarming, bekyk ek die mense so... mense is darem unieke en interessante goed! Een ou kom altyd in sy sweetpakbroek met ñ helderkleurige t-hemp en ñ beanie-mus op. Hy het so dun, funky-geskeerde baard & seker, a.g.v. die beanie, kan ek glad nie skat hoe oud hy is nie... maar hy is nogal fris, ek meen triceps groot & goed gedefinieer en hy loop so half wydsbeen-gedetermineerd van die een masjien na die ander. En 5:30 is hy al besig om sy eerste aanvulling vir die dag te drink! Dan is daar so korterige, kleinerige outjie... hy gym meestal met ñ pet, wat vir my sin maak, want dan hoef jy nie oor jou hare te worry. Vandag het hy ñ pienk rugbybroek aangehad waarop "Varsitycup" staan, met heelwat borge op geprint, o.a. Castle Lager. Maar ai, die borge het net vir die voorry broeke gemaak en hy is seker skrummie of losskakel, want daai broek lyk amper soos ñ rompie. Dis natuurlik ideaal om in t...

Rom.4:16-21 (Nuwe Lewende Vertaling) "Die GELOOF is dus die sleutel! God se belofte word as ’n genadeGESKENK gegee en ons as Sy nageslag sal dit baie beslis ontvang – nie net dié wat die wet ontvang het nie, maar almal wat deel in Abraham se GELOOF. Want Abraham is die vader van ons almal wat glo. Dit is wat die Skrif bedoel het met die woorde: “Ek het jou die stamvader van baie volke gemaak.” By die God in Wie Abraham geglo het, was dié belofte reeds as’t ware ’n werklikheid – Hy is immers ’n God wat dooies lewendig maak en deur Sy roepstem dinge wat nog nie bestaan nie, aanspreek asof hulle reeds werklikheid is. Teen alle hoop in het Abraham met vaste HOOP geglo dat hy nog die stamvader van baie volke sou word op grond van God se belofte: “Jou nageslag sal so baie wees soos die sterre aan die hemel.” En Abraham se geloof het nie verswak nie, al het hy baie goed besef dat sy eie liggaamlike vermoëns alreeds gedaan was – hy was al omtrent 100 jaar oud – en dat sy vrou Sara nie m...