Die vreugde van (terug)gee!

-

 Ironies genoeg is die spreekwoord mos: "Dis beter om te gee as om te ontvang", wel saam met die aanlyn bestellings wat deesdae al meer en gemakliker raak, het ek ook nou die vreugde ontdek om 'n item of items te kan terug gee. So in die internet-era kan ons nou daardie spreekwoord uitbrei na: "Dis beter om te gee as om te ontvang, maar dis nog beter om te kan teruggee as jy verkeerd ontvang het!" Haha!


Dit het alles begin met 'n verkeerde Temu-bestelling. Ek was so opgewonde om die regte selfoonkassie vir Dewald se ou, maar steeds baie goeie, Samsung te kry, nadat dit 2x in Desember lelik geval het. Dat ek die kleur gekies het en nie opgelet het dat ek moet kies of dit 'n N10 of 'n N10plus is nie - die "default" is op die N10 (al het ek vir die N10plus gesoek), en toe kom die regte kleur maaer die verkeerde grootte hier by ons aan. Wat 'n teleurstelling! Verder het ek ook vir ons 'n gazebo bestel, ek het nogal gewonder waar steek hulle die pale van die gazebo weg, toe ek die koevert kry, maar enigiets is mos deesdae moontlik en ek is mos 'n terminal optimis - soos tannie Marinda my geleer het, mens kry...


Maar helaas... dis toe nie 'n gazebo nie, met geen pale nie. Net 'n laaaaang seil met klomp toutjies aan wat jy rondom jou gazebo kan vasmaak om dit meer privaat te maak of die wind af te keer.  Nou ja, dis glad nie wat ek wou gehad het nie en aangesien ek ook nie die verkeerde selfoonkassie wil hê nie, het ek maar die "return" knoppie beproef. Dit was heel vinnig, eenvoudig en pynvry, en ek het selfs ontdek daar was 'n ekstra koevert binne-in my koeverte waarin alles te pragtig gepas het en geseël was, sodat ek net die nuwe "tracking" nommer kon opskryf. Temu het gesê hulle sal in kontak wees om die oplaai-proses te reël, maar die volgende oggend toe bel die Temu-afleweraar en sê hy is daar by die Gym, waar is my pakkie! Jinne, dit het een groot gejaag gekos om uit my slaapklere te kom en daardie pakkie te kry waar hy moet wees! Maar dit het ook toe goed afgeloop en ek het nogal vinnig my "refund" ook gekry, en toe kon ek die regte grootte kassie koop, natuurlik saam klómp ander goed, wat mens nie eintlik nodig het nie, want dit is mos hoe Temu werk.


En toe doen ek dieselfde met twee USB waaiertjies, wat ek op takealot bestel het en gedink het my gaan red van gewisse Laeveld-hitte dood, maar toe dit hier kom toe is dit die verkeerde kleur en regtig baie "effens". En dit was net so maklik om terug te stuur, net weer terug in die boks gesit en toe gemaak met kleefband en weer af gelaai by die optelpunt. Ek wag nog vir my "refund", maar ek moet julle sê: wat 'n vreugde om te kan terug gee! As ander dinge nou net so maklik en in totaliteit terug gegee kan word in die lewe...

woorde...

dade...

'n diagnose...


Mag die Here ons help om hierdie jaar vir Hom te gee, met al die regte bestellings en verkeerde bestellings, mar ons weet dat Hy die een is wat ons laste wil en kan lig maak en dat Sy juk werklik sag is - teruggee sag! 

Opmerkings

Plaas 'n opmerking

Gewilde plasings van hierdie blog

Geld wat stom is...

-
Prent
... maak reg wat krom is, lui die spreekwoord mos. En dis nogal ñ slim spreekwoord daardie wat in heelwat omstandighede gebruik kan word. (Een van een van die Gymlede se luukse karre... Roux kan nie die prys nuut opspoor nie, maar daar is een tweedehands met 1900km op die klok... vir R4,2miljoen rand) Maar dat dit stom is, is so... en daarom voel ek verplig om die stommegeid met ñ paar "gevleulde woorde" te vul. VISA het dit nie ver mis met hul prys wat hulle op sekere dinge in hul advertensie sit & dan is die situasie "priceless" nie en ons stem heelhartig daarmee saam, dis hoekom ons dit so maklik ons eie gemaak het met na-geaapte Facebook statusse ens. Want dit is so... daar ìs dinge wat geld nie kan koop nie, maar dan is daar ook die dinge wat gekoop word, wat die geldelike waarde nie ñ akkurate indikasie gee van hoeveel dit eintlik werd is nie. Laat ek verduidelik... Geld, volgens my... het twéé waardes: ñ numeriese waarde (R20 is R20)... maar d...
Lees meer

...soos 'n Koning Rooibekkie...

-
Prent
Hierdie is 'n foto van 'n Koning Rooibekkie ("Pin-tailed Whydah", vir die wat in Ingels voëls kyk)... en soos mens duidelik op die foto kan sien is hy 'n bakleier. Hy duld nie ander voëls in dít wat hy voel sý gebied is nie (dalk is die foto van 'n mannetjie, wat 'n wyfie probeer verlei ek weet nou nie, want ek is nie so goed met die identifisering nie en die arme vroutjies in die voëlkoninkryk trek mos maar aan die kortste ent wat "looks" betref)... inelkgeval... die Koning Rooibekkie herhinner my aan 'n Jack Russell hondjie, wat dink hy is 'n Doberman en wat al wat hond is aanvat, selfs al is hul twee maal sy grootte. So sal die Koning Rooibekkie ook nie skroom om die duiwe weg te jaag, wat BAIE groter as hy is nie. En die duiwe skrik, hoor! Maar daar is ook ander voëls, wat hulle nie steur aan die lawaaierige voël, met sy lang stert nie, soos die Lysters... en hul eet lustig/rustig voort. Wat interessant is van die Koning Rooibekk...
Lees meer

Die identiteit stryd...

-
Prent
Een oggend gesels ek en 'n hartsvriendin so tussen-deur haar gym sessie oor die dinge wat pla, die dinge wat frustreer en irriteer en bekommer. Sy is 'n Ma van 3 laerskool seuns met 'n man wat sy eie besigheid en boerdery het en uit 'n familie kom wat sport-mal is, so sy is besig! Verder het sy ook 'n "A-tipe" persoonlikheid, soos sy dit noem, en dis eintlik maar net 'n lettertjie vir iemand wat perfeksionisties is en hou van detail. Wat wonderlik is vir haar man en seuns en mense, maar nogal erge druk op haarself sit, want daar is net sòveel ure in 'n dag, mens kan net sò vinnig van Witrivier af Nelspruit toe ry en daar is net sòveel detail, wat jyself kan doen, en daarna het jy òf hulp nodig (dié tipe persoonlikheid vra ook nie maklik vir hulp nie), òf jy moet, tot jou eie frustrasie dit net los... En ek kry hierdie openbaring, terwyl ons gesels, wat ek voel ek moet neerpen voordat dit verdwyn, 'n openbaring oor die vrou se identiteit stryd.....
Lees meer