Bietjie murmering oor jy-wees...

-

As jy in 2 weke ń wysheid met 3 verskillende vroue in 3 verskillende fases van hul lewens deel, dan is dit dalk tyd dat jyself moet stil word met die wysheid en daaroor dink en dit indrink...

Om deurmekaar ("confused") te wees is sekerlik een van die onaangenaamste gevoelens/situasies waarin mens kan wees, want dit gaan gewoonlik gepaard met stres en dan ń minderwaardigheidsgevoel en om minderwaardig te voel sit ons gewoonlik terug in ons reptiel-brein... weet jy nie van ń reptiel-brein nie? Dis nou daardie primitiefste deel van ons denke, waar ons nie dink nie maar net doen... om te oorleef, soos ń krokodil val jy aan en veg tot die dood vir jou eie oorlewing. Dan is daar natuurlik ook jou soogdier-brein, wat effens van ń hoër orde is en jou deel van die "trop" maak, maar as daar gevaar is worry jy ook nie meer oor die trop nie en dan is dit weer: "ter wille van oorlewing"! Die brein waarin ons wíl wees, en maar min is of sommiges nog nie eers ontdek het nie, is ons grootmens-brein (dit het ń ander naam maar dis hoe ek dit nou onthou): dis wanneer jy rustig is en ń volwasse gesprek kan voer deur te luister én te hoor (want daar is mos ń groot verskil tussen die twee) en wanneer jy kan empatie betoon en die ander se belange eerste stel. Kenners sê dís waarin jy ń konfliksituasie wil oplos.

Maar hierdie stuk sê jy moenie bang wees vir deurmekaar wees, want dis wanneer jy oop is om nuwe dinge te leer, oor jouself sekerlik eerste en dan oor ander mense en situasies. Insigte wat nooit dalk sou gebeur as jy nie deurmekaar was en op jou voete moes dink nie.

Gebrokenheid is diep... seer... donker. Baie mense is gebreek en kry dit reg om dit weg te steek maar dan is daar ń deurmekaar-oomblik en die krakies wys duidelik of die gebrokenheid kom in die lig in ń oomblik van waansin, wat lei tot ń kettingreaksie van gebrokenheid. Gebrokenheid van gees is sekerlik makliker om weg te steek, maar daarom ook moeiliker om te genees as gebrokenheid van liggaam. En soms het ons die luuksheid en vryheid om gebroke te wees binne die samelewing en dan laat hulle ons dit toe, gun dit vir ons, soos met die verlies van ń geliefde, die breek van ń huwelik of die verloor van ń inkomste...

Frustrasie is nog ń ongemaklike gevoel, maar frustrasie gekannaliseer maak jou "real"... "authentic" en is dit nie wat ons almal na streef: om opreg en uniek te wees en om sulke mense in ons kernverhoudings te hê nie? Gun mekaar dan die frustrasie... en bid vir die ontdekking van jou geliefde se "authenticity" daarin!

Wees hartseer! Want as ons braaf genoeg is om hierdie emosie toe te laat sal ons hart se wysheid daardeur hoorbaar word en kan ons gees en liggaam se wonderbaarlike vermoë van selfgenesing begin... nie in eie krag nie maar op ons knieë, hande opmekaar... oë toe. Luister!!!! Luister na jou hart, na die ritme van hartseer en die ritme van lewe... ewige lewe in jou!

Wees wie jy is, laat jouself toe om uit te kom waar jy weggekruip het, omdat jy dit werd is! L'Oreal was nie verkeerd toe hulle dit hul slagspreuk gemaak het nie want ons wil ALMAL voel dat ons van waarde is. Altyd van waarde is: vir ons geliefdes en ons naaste en ons wêreld. Wees dit en dan laat jy jouself toe om die fase te beleef en daarin te groei en dan gaan jy vorentoe... word beter... raak nog méér werd!

Opmerkings

Plaas 'n opmerking

Gewilde plasings van hierdie blog

Geld wat stom is...

-
Prent
... maak reg wat krom is, lui die spreekwoord mos. En dis nogal ñ slim spreekwoord daardie wat in heelwat omstandighede gebruik kan word. (Een van een van die Gymlede se luukse karre... Roux kan nie die prys nuut opspoor nie, maar daar is een tweedehands met 1900km op die klok... vir R4,2miljoen rand) Maar dat dit stom is, is so... en daarom voel ek verplig om die stommegeid met ñ paar "gevleulde woorde" te vul. VISA het dit nie ver mis met hul prys wat hulle op sekere dinge in hul advertensie sit & dan is die situasie "priceless" nie en ons stem heelhartig daarmee saam, dis hoekom ons dit so maklik ons eie gemaak het met na-geaapte Facebook statusse ens. Want dit is so... daar ìs dinge wat geld nie kan koop nie, maar dan is daar ook die dinge wat gekoop word, wat die geldelike waarde nie ñ akkurate indikasie gee van hoeveel dit eintlik werd is nie. Laat ek verduidelik... Geld, volgens my... het twéé waardes: ñ numeriese waarde (R20 is R20)... maar d...
Lees meer

...soos 'n Koning Rooibekkie...

-
Prent
Hierdie is 'n foto van 'n Koning Rooibekkie ("Pin-tailed Whydah", vir die wat in Ingels voëls kyk)... en soos mens duidelik op die foto kan sien is hy 'n bakleier. Hy duld nie ander voëls in dít wat hy voel sý gebied is nie (dalk is die foto van 'n mannetjie, wat 'n wyfie probeer verlei ek weet nou nie, want ek is nie so goed met die identifisering nie en die arme vroutjies in die voëlkoninkryk trek mos maar aan die kortste ent wat "looks" betref)... inelkgeval... die Koning Rooibekkie herhinner my aan 'n Jack Russell hondjie, wat dink hy is 'n Doberman en wat al wat hond is aanvat, selfs al is hul twee maal sy grootte. So sal die Koning Rooibekkie ook nie skroom om die duiwe weg te jaag, wat BAIE groter as hy is nie. En die duiwe skrik, hoor! Maar daar is ook ander voëls, wat hulle nie steur aan die lawaaierige voël, met sy lang stert nie, soos die Lysters... en hul eet lustig/rustig voort. Wat interessant is van die Koning Rooibekk...
Lees meer

Die identiteit stryd...

-
Prent
Een oggend gesels ek en 'n hartsvriendin so tussen-deur haar gym sessie oor die dinge wat pla, die dinge wat frustreer en irriteer en bekommer. Sy is 'n Ma van 3 laerskool seuns met 'n man wat sy eie besigheid en boerdery het en uit 'n familie kom wat sport-mal is, so sy is besig! Verder het sy ook 'n "A-tipe" persoonlikheid, soos sy dit noem, en dis eintlik maar net 'n lettertjie vir iemand wat perfeksionisties is en hou van detail. Wat wonderlik is vir haar man en seuns en mense, maar nogal erge druk op haarself sit, want daar is net sòveel ure in 'n dag, mens kan net sò vinnig van Witrivier af Nelspruit toe ry en daar is net sòveel detail, wat jyself kan doen, en daarna het jy òf hulp nodig (dié tipe persoonlikheid vra ook nie maklik vir hulp nie), òf jy moet, tot jou eie frustrasie dit net los... En ek kry hierdie openbaring, terwyl ons gesels, wat ek voel ek moet neerpen voordat dit verdwyn, 'n openbaring oor die vrou se identiteit stryd.....
Lees meer