Nuwe-fase-vrese

-
More gaan Demar & Zelé skool toe... orait hulle gaan net Speelskool toe & net van 8-11vm & ook net Maandag tot Donderdag, maar dit is steeds ñ nuwe fase & die eerste keer wat ek hulle iewers anders los & moet "tatta" sê & dis al klaar moeilik as ek dit doen & hulle bly by die huis!!!!

So ek is voorberei... daar is lekker vrugte & jogurt om in hul oulike kosblikke, van tannie Helen te pak. Hulle rugsakkies is gepak met ñ warm-ding & ñ ekstra stel klere, wat ek gemerk het. Daar is doeke & wipes... pull-ups vir die grootman, wat nou mooi oppad is om te "potty train" & no.4 Huggies Gold vir die Prinses, wat skielik glad nie belangstel in haar oulike toilet en om daarop te piepie of te poefies nie... Hulle sippy-cups is gewas... moet ek dit ook merk??!! Waar & hoe moet ek dit merk?! Genugtig ek wil nie hê dit moet wegraak of Annarie moet sukkel nie, maar ook wil ek darem nie soos die spreekwoordelike "gekke & dwase" lyk nie!!! Ek is in ñ flatspin...

My skouerspiere is in ñ spasma & ek het ñ dowwe hoofpyn. Ek wonder wat is die mees traumatiese vd nuwe stadium se voorbereiding... fisies of emosioneel?! Is ander ma's ook so in ñ flatspin... en gaan dit beter word of aanhou of net groter word saam met hulle??!! Ek is bekommerd oor die tatta-sê vir Zelé... maar ook vir Demar. Hy kan soms so uit die bloute ma-vas wees?! Moet ek net tatta sê en gaan of moet ek bietjie rondhang??!! Moet ek huis toe kom & wag vir ñ oproep, dat ek hulle weer moet gaan haal of moet ek iewers ñ lekker koppie koffie gaan drink? Of moet ek werk toe gaan & myself báie besig hou?! O genugtig... hoe maak mens??!!!!!

Nou-ja... laat ek dan mar slaap, want om uitgerus te wees maak gewoonlik als makliker. En voor ek aan die slaap raak bid ek vir die soveelste maal... vir wysheid & insig & teerheid met my kinders (God se kinders), vir Annarie & haar regterhand, Tilla. Ek bid vir beskerming: fisies, geestelik & emosioneel op Demar & Zelé se lyfies & harte... ek bid vir maats wat opbou, liefhet & aanvaar dwarsdeur hul lewens & dat hulle sulke maats sal wees.... en ek bid vir myself: vir VREDE!!!!!

En soos die Profeet in Numeri spreek ek oor hulle uit: "Die Here sal vir Demar & Zelé seën & beskerm... die Here sal tot Demar & Zelé se redding verskyn & hulle genadig wees... die Here sal Demar & Zelé se gebede verhoor en aan hulle Sy vrede gee! Amen!"

Goodnight...




Opmerkings

Plaas 'n opmerking

Gewilde plasings van hierdie blog

...soos 'n Koning Rooibekkie...

-
Prent
Hierdie is 'n foto van 'n Koning Rooibekkie ("Pin-tailed Whydah", vir die wat in Ingels voëls kyk)... en soos mens duidelik op die foto kan sien is hy 'n bakleier. Hy duld nie ander voëls in dít wat hy voel sý gebied is nie (dalk is die foto van 'n mannetjie, wat 'n wyfie probeer verlei ek weet nou nie, want ek is nie so goed met die identifisering nie en die arme vroutjies in die voëlkoninkryk trek mos maar aan die kortste ent wat "looks" betref)... inelkgeval... die Koning Rooibekkie herhinner my aan 'n Jack Russell hondjie, wat dink hy is 'n Doberman en wat al wat hond is aanvat, selfs al is hul twee maal sy grootte. So sal die Koning Rooibekkie ook nie skroom om die duiwe weg te jaag, wat BAIE groter as hy is nie. En die duiwe skrik, hoor! Maar daar is ook ander voëls, wat hulle nie steur aan die lawaaierige voël, met sy lang stert nie, soos die Lysters... en hul eet lustig/rustig voort. Wat interessant is van die Koning Rooibekk...
Lees meer

Die binnevet van die boud...

-
Prent
...dis wat 'n maat van my op TUKS altyd die "voordeel van die twyfel" genoem het... "the benefit of the doubt". Dis wat ek in hierdie paar weke van 40-wees al geleer en besef het... as ons gelukkig wil wees in ons naby-verhoudings, as ons kan ophou sinies wees en alles wat almal sê, veral die naby ons wat ons opreg lief het en in ons belang stel, persoonlik opneem en hul net die binnevet-van-die-boud gee. Dán sal ons dae lekkerder wees, ons gevegte met onsself en ons geliefdes minder en ons vreugde sóveel meer! Net voor my 40ste verjaarsdag het twee vriendinne, wat reeds "daar" is, afsonderlik my gebel om te sê wat 'n wonderlike mylpaal 40 is. Watse geestelike mylpaal dit is en hoe mens jouself dan uiteindelik kan aanvaar en begin om te ontspan oor die lewe... sy mense... en sy dinge. Dit het my sommer BAIE opgewonde gemaak, want dis vriendinne wat ondervinding het én geestelike inspraak in my lewe. Met my verjaarsdag het ek 'n paar oulike ...
Lees meer

Ledigheid is die duiwel se oorkussing...

-
Prent
 ...dis wat die afrikaanse spreekwoord sê, maar ek het oor die afgelope paar weke besef wat eintlik die probleem is met selfone, en spesifiek ons tieners en hul selfone (...maar as die skoen jou pas...) Die probleem is: daar is altyd iets om te doen! Wanneer jy jou oë oopmaak in die oggend is daar 'n foon met speletjies, apps, nuus en sosiale media waarmee jy onmiddellik kan besig raak. Wanneer jy badkamer toe gaan kan die selfoon saam gaan, wanneer jy gaan koffie maak... watookal jy doen, die selfoon sál jou besig hou! Wanneer ek en my vriendinne gesels oor "die goeie ou dae" stem ons almal saam dat dit goed is vir 'n kind om verveeld te wees. Verveeld-wees dwing jou om kreatief te wees, dit dwing jou om om jou rond te kyk, om dinge op te let en om te kommunikeer, as daar mense om jou is. Dit laat jou asem skep en rustig raak. Jy kan kuier, jy kan omgee want daar is geen haas: niks wat jou jaag of aandag soek. Jy kan jou tyd vat om rondom jou te kyk en te hoor en te ...
Lees meer