Ledigheid is die duiwel se oorkussing...

-

 ...dis wat die afrikaanse spreekwoord sê, maar ek het oor die afgelope paar weke besef wat eintlik die probleem is met selfone, en spesifiek ons tieners en hul selfone (...maar as die skoen jou pas...)


Die probleem is: daar is altyd iets om te doen! Wanneer jy jou oë oopmaak in die oggend is daar 'n foon met speletjies, apps, nuus en sosiale media waarmee jy onmiddellik kan besig raak. Wanneer jy badkamer toe gaan kan die selfoon saam gaan, wanneer jy gaan koffie maak... watookal jy doen, die selfoon sál jou besig hou!


Wanneer ek en my vriendinne gesels oor "die goeie ou dae" stem ons almal saam dat dit goed is vir 'n kind om verveeld te wees. Verveeld-wees dwing jou om kreatief te wees, dit dwing jou om om jou rond te kyk, om dinge op te let en om te kommunikeer, as daar mense om jou is. Dit laat jou asem skep en rustig raak. Jy kan kuier, jy kan omgee want daar is geen haas: niks wat jou jaag of aandag soek. Jy kan jou tyd vat om rondom jou te kyk en te hoor en te ruik en te voel. As jy uiteindelik besluit het waarmee jy gaan besig raak kan jy jou tyd vat. Ek dink aan al die kaartjies wat ek gemaak het en briewe wat ek geskryf het. Radio programme is geluister en opgeneem en deur die dag het ons gekuier en rondgeloop of rondgery met ons fietse. Soms was jul saam verveeld en dan het jul speletjies of stories uitgedink: konserte is opgetree en soms is daar in jou Pa & Ma se kas ingevaar om jul eie "fancy dress" te hou. Daar is nie voor die TV gelê as die video wat jy uitgeneem het, klaar gekyk is, of daar niks op was nie, òf die grootmense in die T.V. kamer wou kuier. Dan het jy kaart gespeel of Monopoly of sommer "donkerkamertjie"...


Wel, dan dink ek moet ons die altyd-besig-wees-toestelle maar mooi bestuur: vir onsself én ons kinders. Gee jouself en jou kind kans om wakker te word op naweke en vakansies en niks te hê om te doen... en deur die dag... en ook in die aand. Maar hou maar dop as die gegil en/of gegiggel uit 'n kamer kom, wat geen ligstreep maak onder die deur, of as daar 'n leë bottel gevra word vir die volgende speletjie, deur die groep tieners...





Opmerkings

Plaas 'n opmerking

Gewilde plasings van hierdie blog

...soos 'n Koning Rooibekkie...

-
Prent
Hierdie is 'n foto van 'n Koning Rooibekkie ("Pin-tailed Whydah", vir die wat in Ingels voëls kyk)... en soos mens duidelik op die foto kan sien is hy 'n bakleier. Hy duld nie ander voëls in dít wat hy voel sý gebied is nie (dalk is die foto van 'n mannetjie, wat 'n wyfie probeer verlei ek weet nou nie, want ek is nie so goed met die identifisering nie en die arme vroutjies in die voëlkoninkryk trek mos maar aan die kortste ent wat "looks" betref)... inelkgeval... die Koning Rooibekkie herhinner my aan 'n Jack Russell hondjie, wat dink hy is 'n Doberman en wat al wat hond is aanvat, selfs al is hul twee maal sy grootte. So sal die Koning Rooibekkie ook nie skroom om die duiwe weg te jaag, wat BAIE groter as hy is nie. En die duiwe skrik, hoor! Maar daar is ook ander voëls, wat hulle nie steur aan die lawaaierige voël, met sy lang stert nie, soos die Lysters... en hul eet lustig/rustig voort. Wat interessant is van die Koning Rooibekk...
Lees meer

Die binnevet van die boud...

-
Prent
...dis wat 'n maat van my op TUKS altyd die "voordeel van die twyfel" genoem het... "the benefit of the doubt". Dis wat ek in hierdie paar weke van 40-wees al geleer en besef het... as ons gelukkig wil wees in ons naby-verhoudings, as ons kan ophou sinies wees en alles wat almal sê, veral die naby ons wat ons opreg lief het en in ons belang stel, persoonlik opneem en hul net die binnevet-van-die-boud gee. Dán sal ons dae lekkerder wees, ons gevegte met onsself en ons geliefdes minder en ons vreugde sóveel meer! Net voor my 40ste verjaarsdag het twee vriendinne, wat reeds "daar" is, afsonderlik my gebel om te sê wat 'n wonderlike mylpaal 40 is. Watse geestelike mylpaal dit is en hoe mens jouself dan uiteindelik kan aanvaar en begin om te ontspan oor die lewe... sy mense... en sy dinge. Dit het my sommer BAIE opgewonde gemaak, want dis vriendinne wat ondervinding het én geestelike inspraak in my lewe. Met my verjaarsdag het ek 'n paar oulike ...
Lees meer

Liefdestale in kinderdialek!

-
Prent
“Every child (like every adult) expresses and receives love best through one of five communication styles.”  We want to express unconditional love in each of these ways, of course.  But just like each child has a different personality, they also have a unique love language.   Figuring it out can make a huge difference..." Gary Chapman and Ross Campbell - The Five Love Languages Dis nou al ñ hele rukkie dat ek al meer herhinner word aan die vyf liefdestale... soos dit vertaal is in (onder andere) Afrikaans. En toe ek hierdie artikel lees, het ek besef ek moet nou skryf wat ek wil skryf... Lank terug... toe ek baie tyd gehad het en dit (gelukkig) goed gebruik het, het ek die boek gelees waaroor almal gepraat het. Ek het ook al ñ paar keer die vraelys gedoen om my Liefdestaal te bepaal en elke keer was dit anders, want kyk... dit gaan mos maar oor "tanks"... daar is vyf (en alhoewel my man nog nie sy Vyf Liefdestale boek oopgemaak het, wat ek vir hom 3 Kers...
Lees meer